💥မှောင်မိုက်နိုင်ငံသား မှ အလင်း၏ နိုင်ငံတော်သား 💥

 💥မှောင်မိုက်နိုင်ငံသား မှ အလင်း၏ နိုင်ငံတော်သား 💥

မှောင်မိုက်ထဲမှာရှိနေသော လူများတို့သည်ကြီးစွာသောအလင်းကိုမြင်ရ၍၊ သေမင်းနိုင်ငံအရိပ်တွင်ရှိနေသော သူတို့၌ အလင်းပေါ်ထွန်းလျက်ရှိသည်ဟုဟောထားသတည်း။ ထိုအခါမှစ၍ ယေရှုကနောင်တရကြလော့။ ကောင်းကင်နိုင်ငံတော်တည်လုနီးပြီဟူသော တရားကိုဟောစပြုတော်မူ၏။(မသဲ ၄:၁၆-၁၇) ယေရူဘုရားမကြွလာမည်တွင် လောကကြီးကို စာတန်အုပ်စိုးလျက်ရှိကာ မှောင်မိုက်နိုင်ငံ ဖြစ် နေသည်။လူအပေါင်းတို့သည်သေခြင်းတရားအောက်၌ ရောက်ရှိနေကာ မြော်လင့်ခြင်းမဲ့နေကြသည်။ ဗတ္တိဇံဆရာယောဟန်က ယေရူဘုရားမကြွလာခင်တွင် ရှေ့ဦးစွာနောင်တရကြလော့။ ကောင်းကင်နိုင်ငံတော်တည်လုနီးပြီ ၊ထာဝရဘုရားကြွတော်မူရာလမ်းကိုပြင်ကြလော့ ၊လမ်းခရီးတော်ကိုဖြောင့်စေကြလော့ဟု ယုဒတောတွင်ဟောပြောခဲ့သည်။သခင်ယေရူသည်ဘုရားသခင်ဖြစ်ပြီး ကောင်းကင်နိုင်ငံတော်ကို မြေကြီးပေါ်တွင် တည်ထောင်ရန်ကြွလာခဲ့သည်။ ယုဒလူမျိုး တို့၏ မြော်လင့် ခြင်းဖြစ်သော မေရှိယဘုရင် ကြွလာခြင်းတည်းဟူသော်လည်း ဝိညာဉ်မျက်စီကန်းနေ၍ ယေရူဘုရားကြွလာသည်ကို သဘောမပေါက်ကြပါ။နိုင်ငံတော်၏ရှင်ဘုရင်ယေရူကို မမြင်တတ်၍ငြင်းပယ်ခဲ့ကြသည်။ အမှောင်စာတန်၏ တန်ခိုး သေခြင်းကို ကားတိုင်တန်ခိုး အားဖြင့်အနိုင်ယူခဲ့သည်။ "မာရ်နတ်၏ အမူတို့ကိုပယ်ဖျတ်ခြင်းငှာ ဘုရားသခင်၏သားတော်သည် ထင်ရှားပေါ်ထွန်းတော်မူ၏။ " ယနေ့ကျွန်ုပ်တို့သည် သေခြင်းတရားကိုကြောက်စရာမလိုတော့ပါ။ ယေရူအားဖြင့် ထာဝရအသက်ကို ကျွန်ုပ်တို့ရရှိခဲ့သည်။ မှောင်မိုက်နိုင်ငံမှလည်း အလင်းနိုင်ငံတို့ရောက်ရှိပြီးဖြစ်သောကြောင့် ကြောက်စရာမလိုတော့ပါ။ ယေရူအားဖြင့်အားကြီးသောသူ ၊အောင်နိုင်သူဖြစ်ရပါ၏။ ဘုရားသခင်နာမဘုန်းကြီးပါစေသော်။ "မှောင်မိုက်တန်ခိုး မှ လည်း ငါတို့ကို နှုတ်၍ ချစ်တော်မူသော သားတော်၏နိုင်ငံထဲသို့သွင်းတော်မူ၏။ " " ထိုသာတော်၏အသွေးအားဖြင့် အပြစ်လွတ်တော်မူခြင်းတည်းဟူသော ရွှေးနူတ်တော်မူခြင်းကျေးဇူးကို ငါတို့သည်ခံရကြ၏။" (ကော ၁:၁၃-၁၄) တမန်တော်ရှင်ပေါလုအား ကောင်းကင်နိုင်ငံသို့ရောက်၍ တွေ့ဆုံသော အခါ ကောင်းကင်ဘယ်လိုရောက်သလဲဟုမေးပါက သူသည် မိမိ ကြိုးစားခဲ့၍ အပြစ် လွှတ်ပြီး၊ရွှေးနှုတ်ခြင်းခံရသည်ဟု ပြောစရာမရှိပါ။မိမိလုပ်ခဲ့သောအမူကြောင့်ဟု ဝါကြွားစရာ မရှိပါ။ထိုသခင်ယေရူ၏အသွေးတော်အားဖြင့်သာ အပြစ်လွှတ်ခြင်းရပြီး ကောင်းကင်န်ုင်ငံသားဖြစ်ရပါသည် ဟူ၍သာပြောစရာရှိပါ၏။ကားတိုင်ပေါ်သွန်းခဲ့သော အသွေးတော်သာ ကျွန်ုပ်တို့၏ဝါကြွားရာဖြစ်ပါ၏။ မှောင်မိုက်နိုင်ငံသားမဟုတ်၍ မှောင်မိုက်တန်ခိုး၏အရှင် စာတန်ကိုကြောက်စရာမရှိပါ ။ဘုရားသခင်၏နိုင်ငံကိုအုပ်စိုးသော ဘုရားရှင်သည်လည်း ကျွန်ုပ်တို့၏အဖဖြစ်သောကြောင့် ကြီးစွာသောအကြိုး နှင့်ယှဉ်သော မင်းစည်းစိမ်သည် နိုင်ငံတော်သားပင်ဖြစ်ပေတော့သတည်း။ 📖၁ယော ၂:၈ 📖၁ပေ ၂:၉ 📖ဗျာ ၁:၅-၆ Credit: ဆရာလအုန်းလထွယ် ❤️ God is good all the time❤️