💥မုန်တိုင်းအလွန်💥

 

💥မုန်တိုင်းအလွန်💥 📖၁ပေ ၅:၁၀"ခရစ်တော်အားဖြင့် ငါတို့ကို ထာဝရဘုန်းအသရေတော်သို့ ခေါ်တော်မူသော ခပ်သိမ်းသောကျေးဇူးကိုပြုတော်မူသောဘုရားသခင်သည် ခဏဆင်းရဲခံရပြီးသော သင်တို့ကိုစုံလင်တည် ကြည်ခိုင်ခံ့ မြဲမြံစေတော်မူလိမ်မည်။" ကျွန်တော်တို့အိမ်အနားမှာ မလေး ရှား ပိတောက်ပင်တစ်ပင်ရှိပါသည်။ နာဂစ်မုန်တိုင်း(၂၀၀၈)တိုက်ခတ် သော တစ်ညလုံးလုံး ခုခံ၍ ရပ် တည်နေပါသည်။သူခံသောကြောင့်ကျွန်တော်အိမ် နဲနဲသက်သာနေပါ သည်။ နောက်တစ်နေ့ နံနက်မှာလဲ လေမုန်တိုင်းက တဝုန်းဝုန်းတိုက် ခတ်ပါသည်။ သူကမပြိုမလဲတောင့်ခံနေ၍တော်ပါသေးသည်။ နံနက် ဆယ်နာရီကျော်လျှင် လေတိုက်နှုန်းလျော့ပါးလာ၍ လူတွေအပြင် ထွက်ကာ အပျက်အစီးများကို ဖယ်ရှားကြပါသည်။ မွန်းတည့်ချိန် မှာတော့လေမတိုက်တော့ပါ။နာဂစ် သည်ထွက်ခွာသွားပါ၏။ တစ်ည နှင့်တစ်နံနက်သူ ဖြိုလဲတိုက်ခတ်၍ မရသောမလေးရှားပိတောက်ပင်ကိုအရှုံးပေးသွားခဲ့ရသည်။ အတော်ကလေးကြာမှ.... မလေးရှားပိတောက်ပင်သည် တ ဖြည်းဖြည်းနှင့် အသာအယာပင် အိအိကလေး လဲကျလာပါသည်။ ရုပ်ရှင်ထဲက စလိုးမိုးရှင့်နဲ့လဲတာဆိုတော့ ဘယ်သူ့ကိုမှ မထိခိုက်ပေမယ့် တအံတသြဖြစ်သွားကြရပါသည်။ ဘယ့်နှယ့် တစ်ညလုံးတဝုန်းဝုန်း တိုက်တုန်းကတော့ ခံနိုင်ရက်သားနဲ့လေမတိုက်၊ မိုးမရွာမှ ဘယ်လိုလဲကျသွားရလဲပေါ့။ နော်ထီးမူးက..... သူစိတ်လျော့လိုက်တာနဲ့ တူတယ်ဟုဝေဖန်ချက်ပေးရာ၊ ကျွန် တော်တို့ရယ်မောမိကြပါသည်။ ဒုက္ခဆင်းရဲရောက်စဉ်မှာကြံ့ကြံ့ခံကြပါသည်။ စိတ်ကိုအား ကုန်တင်း၍ ငါမလဲဘူး။ ငါမရှုံးဘူး ဟုကြိုးစား၍ အသေအကြေခုခံသူများရှိပါသည်။ ဒုက္ခ ဆင်းရဲမှလည်းလွတ်ရော၊စိတ်ကို လျော့ချ၍ ဘုန်းဘုန်းလဲကျသောသူများကို တွေ့ဖူးပါလိမ့်မည်။ စိုင်းထီးဆိုင်သီချင်းထဲကလိုပဲ..."ရေဆန်မှာချောပြီးကာမှ ရေစုန်မှာမောရတာ" ရင်နာစရာတစ်ခုဖြစ်ပါ၏။ ဒုက္ခ ခံရပြီးသော်လည်း စိတ်မလျော့ရပါ။ ဘုရားသခင်ကို ဆက်လက်၍ ကိုး စားအားထား ဖတ်တွယ်ထားရပါ မည်။ ငါလွတ်ပြီ၊ အောင်မြင်ပြီဟု မမှတ်ယူပဲ၊ မုန်တိုင်းအလွန်မှာလည်းကျွန်တော်တို့အား တည်ကြည်မြဲမြံစေမည့် ဘုရားသခင်ကို ဆက်လက်ခိုလှုံကိုးစားကြရမှာပါ။ ဘုရားသခင်က မုန်တိုင်းနှင့် ရေလှိုင်းကိုပေးသောကြောင့် ကျေးဇူးတော်ကို ချီးမွမ်းရမှာပါ။ အသက်တာမုန်တိုင်း လှိုင်းထန်သောနေ့များကိုကျော်လွန် ဖြတ်သန်းအောင်မြင်ရသောအခွင့်ကိုလည်း ပေးပြန်သောကြောင့် ကျေးဇူးတော်ကို ချီးမွမ်းရဉီးမှာပါ။ 📖၁ သက် ၅:၁၈ "အရာရာ၌ ကျေးဇူးတော်ကို ချီးမွမ်းကြလော့။ အကြောင်းမူကားသင်တို့သည် ထိုသို့ကျင့်စေခြင်းငှာ၊ယေရှုခရစ်၌ ဘုရားသခင်အလိုတော်ရှိ၏။" Credit : ဆရာဆိုး ❤️God is good all the time❤️