💥သင်ထ လော့ လင်းလော့💥

 

💥သင်ထ လော့ လင်းလော့💥

📖ဟေရှာ ၆၀:၁"သင်ထလော့။ လင်းလော။ သင်၏အလင်းရောက်လာပြီ။ ထာ၀ရဘုရား၏ ဘုန်းတော်သည် သင့်အပေါ်မှာပေါ်ထွန်းလျက်ရှိ၏" ပရောဖက်ဟေရှာယအားဖြင့် ဝိညာဉ်တော်ဘုရား ဖော်ပြသည်မှာ သင်၏အသွေးအသားနှင့်ဖြစ်သော ဦးခေါင်းပေါ်မှာ အလင်းကျရောက်လာခြင်းကို မဆိုလိုဘဲ သင်၏ဝိညာဉ်ထဲသို့ ဘုရား၏ ဘိသိတ်ခြင်းတန်ခိုး (သို့) ဘုရား၏ ဘုန်းတော်ကျရောက် ထင်ရှားလာပြီး သင်မှတဆင့် အလင်းထွန်းလင်းခြင်းကို ဆိုလိုသည်။ 📖ဟေရှာ ၆၀:၂"ကြည့်ရှုလော့၊ မှောင်မိုက်သည် မြေကြီးကို ဖုံးလွှမ်းလိမ့်မည်။ ထူထပ်သောမှောင်မိုက်သည် မြေကြီးကိုဖုံးလွှမ်းလိမ့်မည်။ သို့သော်လည်း သင်၏အပေါ်မှာ ထာဝရဘုရားသခင်သည်ပေါ်ထွန်း‌ တော် မူ၍ ဘုန်းတော်သည် သင်၏အပေါ်မှာထင် ရှားလျက် ရှိလိမ့်မည်။" ထို့အတွက်ကြောင့် မည်ကဲ့သို့သောရောဂါဝေဒနာခံစားရသည်ဖြစ်စေ၊ ပြဿနာများ၊ စစ်ဆေးစီရင်ခြင်းများ၊ နာကျည်းခြင်းများ အဆီးအတားများ လောကီမှောင်မိုက်တန်ခိုးများ အစရှိသည်တို့သည် ဤနောက်ဆုံးသောကာလ၌ မြေကြီးပေါ်မှာ ပျံ့နှံ့နေမည်ဖြစ်သော်လည်း ထိုအခြေနေများထဲမှာ သင်လင်းလက်နေမည် ဖြစ်သည်။ 💥ဘုရားသခင်၏ ဘုန်းတန်ခိုးတော်သည် နှုတ်ကပတ်တော်ထဲ၌ ရှိ၏။ နှုတ်ကပတ်တော်ကို ယုံကြည်ခြင်းအားဖြင့် သင်၀န်ခံအသက်ရှင် လေလေ၊ အလိုတော်ကို သိပြီး ဝန်ခံလေလေသင်၏ဝိညာဉ်ထဲ၌ ဘုန်းတန်ခိုးသာ၍ များလေလေ( ဘုရားဘုန်းပွင့်လေလေ) ဘုရားကို သာ၍ ကျွန်ုပ်တို့အသက်တာဖြင့် တပါးသူများ မြင်တွေ့ရဖြစ်မည်။ ဤသို့အားဖြင့် သင်သည်ထ၍ လင်းရမည်ဖြစ်သည်။ 💥 📖ဆာလံ ၁၁၉:၁၀၅" နှုတ်ကပါတ်တော်သည် အကျွန်ုပ်ခြေရှေ့မှာ မီးခွက်ဖြစ်၍ အကျွန်ုပ်လမ်းခရီးကို လင်းစေပါ၏။"

ယခုအချိန်သည် ဘုရားသခင်ပြန်မကြွလာမီ နောက်ဆုံးသောကာလဖြစ်သည်။ ကျမ်းစာ က (၂တိ ၃:၁)တွင် နောင်ကာလသည် ခဲရင်းသောကာလ ဖြစ်မည်ဟု သိမှတ်ကြလော့။ ပိုမိုခက်ခဲမှု များပြားလာမည်။ ကြပ်တည်းလာမည်။ ဒုစရိုက်များပို၍များလာမည်သို့သော်လည်း စိုးရိမ် တုန်လှုပ်ခြင်း မရှိစေနှင့်။ သင်အကျိုးနည်း မဖြစ် စေရပါ။ လောကကြီးမှာ အမှောင်အား ပို၍ကြီးလေလေ၊ သင်၏အလင်းပို တောက်ပလေလေ ဖြစ်ရမည်။ ကျမ်းစာက " ဤလောကသည် ဘုရားသခင်သားတို့၏ပေါ်ထွန်းခြင်းအရာကို အလွန်တောင့်တမျော်လင့်လျက် နေကြ၏။" (ရောမ ၈:၁၉)ဟု ဆိုထားသည်။ ယခုနေ့ရက်ကာလ အချိန်သည် သင်အလင်း ထွန်းတောက်ရန် ဘုရားပြင်ဆင်ထားသောအချိန်ဖြစ်သည်။ လောကကိုအဖြေပေးမည့်သူ နှင့် လောကကြီးအားလမ်းညွှန် ပြသဖို့ သင်နဲ့ ကျွန်ုပ်ကို အသက်ရှင်ခွင့်ပေးထားခြင်းဖြစ်တယ်။ သင့်အလင်းကို ထွန်းလင်းပြီး သင့်အလင်းအားဖြင့် အလင်းရှင်ယေရှုခရစ်ကိုမြင်ဖို့သင်သည်လောက၏ အလင်းဖြစ်၏။ ထို့ကြောင့်ထ၍လင်းလော့ ယခုအချိန်သည် သင်၏ အချိန်ဖြစ်သည်။

This time is your's time, So Shine your light and let the whole world see! ဖတ်ရှု့ရန် 📖ဧဖက် ၅:၁၃-၁၆ 📖၁တိ ၄:၁၂-၁၆