🎼 ကောင်းပေသည် ဝိညာဉ်ဖို့🎼 🎶It is will with my soul🎶

 🎼 ကောင်းပေသည် ဝိညာဉ်ဖို့🎼

🎶It is will with my soul🎶 ဘုရားသခင်၏ကျေးဇူးတော် ဟာ ဘယ်အခြေနေမျိုး မဆို လုံ လောက်နေပါတယ်(၂ကော ၁၂း၉) ဒါဟာမပြောင်းလဲနိုင်တဲ့ သမ္မာတ ရား၊ ထာဝရတည်တဲ့ သစ္စာတရားပါ။ ဒီသမ္မာတရားကို လေးနက်စွာ သဘောပေါက်ပြီး ဝိညာဉ်ပါရမီရင့်သန်တဲ့ လူတစ်ဦး အကြောင်းကို တင်ပြချင်ပါတယ်။ သူ့အသက် တာကို ဆင်ခြင်ခွန်အားယူပြီး၊ မိတ်ဆွေများ၏ အခက်အခဲ ပြဿနာကိုအောင်မြင်နိုင်ကြပါစေလို့ ဆန္ဒပြုလိုက်ပါတယ်။ အဲဒီပုဂ္ဂိုလ်ရဲ့နာမည်က ဟိုးရေးရှိုးစပက်ဖိုဒ် (Horatio G. Spafford )၁၈၂၈-၁၈၈၈ ဖြစ်ပါ တယ်။ It is will with my soul. ဆိုတဲ့ဓမ္မသီချင်းကို ရေးဆပ်သီကုံးခဲ့သူဖြစ်ပါတယ်။ ဓမ္မတေးစာသားတွေရဲ့ အဓိပ္ပါယ်နဲ့ စိတ်သဘောထားကို လေ့လာသုံး သပ်ကြည့်ရုံနဲ့ သူ့ဝိညာဉ် ပါရမီရင့် ကျက်မှုကို အကဲဖြတ်နိုင်ပါလိမ့်မယ်။ 🎶ဝမ်းနည်းခြင်းပင်လယ် လှိုင်းလိမ့် လို🎶 Horatio ဟာအမေရိကန် ချီကာဂိုမြို့ကအောင်မြင် ကျော်ကြားတဲ့ ရှေးနေတစ်ဦးဖြစ်ပြီး အဒီခေတ်တုန်းက ထင်ရှားကြီးကျယ်တဲ့ ဘုရားသခင်ရဲ့ အမှုတော်ဆောင်.... ဒီအယ်လ် မူးဒီ၊ အီရာစန်ကီ၊ ဖိလစ် ဘလစ် တို့နဲ့ ရင်းရင်းနှီးနှီး မိတ်သ ဟာရ ဖွဲ့သူလည်းဖြစ်တယ်။ ၁၈၇၃ ခုနှစ်မှာဇနီးသည် Mrs. Spafford ရဲ့ ကျန်းမာ ရေးကြောင့် ဥရောပတိုက်ကို အပန်းဖြေခရီးထွက်ဖို့ မိသားစု ဆရာဝန်ကHoratio ကို အကြံပေးခဲ့တယ်။ ဒါနဲ့ ဆောင်းဦးပေါက်ရာသီ မှာ....ခရီးထွက်ဖို့ အစီစဉ်ဆွဲကြပါ လေရော။ ခရီးထွက်မဲ့ရက် ရောက် တော့ Horatio မှာ အရေးကြီးတဲ့ အလုပ်ကိစ္စတစ်ခု ပေါ်လာတာ ကြောင့် ဇနီးသည်နှင့် သမီးလေးဦး ကို အရင်သွားနှင့် ခိုင်းတယ်။ သူကတော့ နောက်ရက်ပိုင်း အတွင်းမှာ လိုက်သွားမယ်ပေါ့။ ဒီလိုနဲ့ ဇနီးသည်နဲ့ သမီးလေးဦးဟာအက်စ် အက်စ် ဗီလေ ဒျူဟာဗာ(S. S Ville du Havre ) သင်္ဘောကြီးစီးပြီး.....ဥရောပကို ခရီးထွက်သွားခဲ့ကြတယ်။ နိုဝင်ဘာလ ၂၂ ရက်နေ့မှာ မမျှော်လင့်ပဲ အင်္ဂလိပ်သင်္ဘောကြီး တစ်စီးနဲ့ တိုက်မိပြီး နာရီဝက်အ တွင်း နှစ်မြှုပ်သွားခဲ့တယ်။ မစ္စစ် စပက် ဖိုဒ့် ဟာ အသက်ဘေးက လွတ်မြောက်သွားပေမဲ့ သမီးလေးဦးစလုံးရေနစ်သေဆုံးသွားခဲ့တယ်။ ဒီဇင်ဘာလ နှစ်ရက်နေ့မှာ သင်္ဘောပျက်တဲ့ဘေးက လွတ် မြောက်လာတဲ့ လူတေ အင်္ဂလန်နိုင်ငံကို ရောက်လာကြတယ်။ မစ္စစ်ပက် ဖိုဒ့် ဟာကုန်းပေါ် ရောက်ရောက်ချင်း ခင်ပွန်းသည် Horatio ဆီ သူတစ်ဦးတည်း အသက်ဘေးကလွတ်တဲ့ အကြောင်း ကြေးနန်းရိုက်လိုက် တယ်။ Horatio ဟာ ကြေး နန်းရတာနဲ့ ချက်ချင်း အင်္ဂလန်နိုင် ငံသို့ လိုက်ခဲ့တယ်။ လမ်းခရီးမှာ သူစီးလာတဲ့ အက် အက် ဗီလေ ဒျူဟာဗာ မြှုပ်သွားတဲ့ နေရာကို ဖြတ်သွားတုန်း လှိုင်းတံပိုးကြီးတွေ တဟုန်းဟုန်း လူးလိမ့် ရိုက်ခတ်နေတဲ့ ကြောက်မက်ဖွယ် ပင်လယ်ရေပြင်ကို ကြည့်ရင်း သူ့ရင်ထဲက ခံစားချက်တွေကို စကားလုံးအဖြစ်သီးကုံးခဲ့ပါတယ်။ 🎼ငြိမ်သက်ခြင်း မြစ်လို ကျွန်ုပ် ကို လမ်းပြသည်၊ ဝမ်းနည်း ခြင်း ပင်လယ်လှိုင်းလိမ့်လို ကိုယ် တော် ကျွန်ုပ်အား သင်သောအရာ များသည် ကောင်းပေသည် ဝိညာဉ်ဖို့။🎶 ဆန့်ကျက်ဘက် ၂မျိုး အဲဒီအချိန်မှာ ခရစ်ယာန် အသက်တာမှာ ဒွန်တွဲနေတဲ့..... ဆန့်ကျင်ဘက် အတွေ့အကျုံ ၂ခုကိုHoratio တပြိုင်နက်ထဲ ခံစားလိုက်ရတယ်။ အဒီအရာ ၂ ခုဟာဒင်းဂါး တစ်ပြားလို အမြဲတွန်တွဲနေတယ်။ ငွေဒင်းဂါးမှာ ခေါင်းနဲ့ပန်းရယ်လို့ ၂ ဖတ်ရှိတယ်။ ခေါင်းနဲ့ပန်းဆိုတာ မတူညီပေမဲ့ ခွဲထားလို့မရဘူး။ မျက်နှာပြင် နှစ် ဖက် ဟာတစ်သားထဲပေါင်းစပ်ပြီး ငွေဒင်း ဂါးတစ်ပြားအဖြစ် ရှိနေတယ်လေ။ ဒီလိုပါဘဲ... ခရစ်ယာန်အသက်တာမှာ ဝမ်းနည်းခြင်း နဲ့ ဝမ်းမြောက်ခြင်း ကိုတစ်ချိန်ထဲမှာ ခံစားရစမြဲပါ။ သမီး ၄ဦးသေသွားတဲ့ ဖခင်တစ်ဉီးရဲ့ နှလုံးသားမှာ... တောက်လောင်နေတဲ့ ပရိဒေဝ အမြှိုက် မီးကို မြင်အောင်ကြည့်နိုင်ပါတယ်။ Horatio ရဲ့ နှလုံးသား မှာ ဝမ်းနည်းခြင်း၊ ပူဆွေးခြင်း၊ ယူကြုံးမရခြင်း၊ နာကျည်းခြင်းဆိုတဲ့ဝေဒနာတွေဟာ မာန်ဟုန် ပြင်းပြင်းရိုက်ခတ် လူးလိမ့်နေတဲ့ ပင်လယ်လှိုင်းလုံးကြီးတွေလိုပဲပေါ့။ တစ်ချိန်တည်းမှာ ဘုရားသခင်ရဲ့ အကြံစည်တော်ကို သိတဲ့ သူနှလုံးသားဟာဘုရားသခင်၏ ငြိမ်သက်ခြင်း ကိုရယူခံစားလိုက်ရတယ်။ အဲဒီငြိမ်သက်ခြင်းဟာ.... တသွင်သွင် အမြဲစီးဆင်းနေတဲ့ မြစ်ရေပြင်လိုဘဲ....အဆက်မပြတ်၊ အဆုံးမရှိဘူးလို့ သီချင်းစာသားထဲမှာသူမှတ်တမ်းတင် သီးကုံးခဲ့တယ်။ အဘယ်သူမျှ ကြံ၍ မမှီနိုင် သော ဘုရားသခင်၏ ငြိမ်သက် ခြင်းသည်...... ယေရှုခရစ်အားဖြင့် သင်တို့၏ စိတ်နှလုံးကို စောင်မ လိမ့်မည်။ ( ဖိ ၄း၇) Horatio ရဲ့ နှလုံးသား မျိုး ယုံကြည်သူတိုင်းမှာ ရှိဖို့ ဘုရားသခင် အလိုတော် ရှိပါတယ်။ ကျွန်တော် တို့ အသက်တာ မှာတွေ့ကြုံလာတဲ့ အမှုအရာတိုင်း ဟာ ဘုရားသခင် ရဲ့ ထိန်းချုပ်မှု အောက်က လွတ်သွားတာ မရှိပါဘူး။ ဘုရားသခင်ရဲ့ ချစ်ခြင်းမေတ္တာဟာ ကျွန်ုပ်တို့ ကို ပါရမီ တိုးစေပြီး အခက်အခဲ အားလုံးကို အောင်မြင်ဖို့ လုံလောက် ကြောင်း အမြဲ နှလုံးသွင်း ထားသင့်ပါတယ်။ ဘုရားသခင်ရဲ့ ပညာ၊ သန့်ရှင်းခြင်း၊ ဖြောင့်မတ်ခြင်း ၊ တန်ခိုးတော်နဲ့ကျေးဇူးတော်က ကျွန်တော် တို့ရဲ့ ဝိညာဉ် အတွင်းမှ တစ်ကိုယ် လုံး ကောင်းဖို့ အစဉ်ပုံသွင်းပေး နေတယ်လို့ယုံကြည် စိတ်ချ ထားခဲ့ရင် .... ကျွန်ုပ်ကို ကိုယ်တော် ဘာကြောင့် ဒီအရာတွေ ကြုံတွေ့ စေသလဲလို့ မေးဖို့ မရှိပါ။ ဘုရားရည်ရွယ်ချက်က ကျွန်တော် တို့ လောကဓာန် ကိုကြံကြံခံနိုင်ပြီး လောကကိုအောင်၍ ခရစ်တော်၏ ကြီးရင့်ခြင်းပမာဏ တိုင်အောင် စုံလင်ရင့်ကျက် စေချင်လို့ဖြစ်တယ်။ 📖ဧဖက် ၄:၁၂-၁၆ Credit: ဧလိရှဲ (တံပိုးမှုတ်သံ)